Putin: Ukrayna əks-hücuma başlayıb

Rusiya Prezidenti Vladimir Putin Ukraynanın əks-hücuma başladığını elan edib.

“Report”un xəbərinə görə, bu barədə Rusiya mətbuatı məlumat yayıb. “Əminliklə demək olar ki, onların əks-hücumu başlayıb və bunu strateji ehtiyatlardan istifadə sübut edir. Bu, tamamilə aşkar şeydir”, – deyə Rusiya lideri bildirib.

O qeyd edib ki, gərgin döyüşlər təxminən beş gündür davam edir. Rusiya Prezidenti Ukrayna Silahlı Qüvvələrinin davamlı hücum potensialını da vurğulayıb.

“Rusiya hərbi rəhbərliyi mövcud vəziyyəti real qiymətləndirir və yaxın gələcəkdə öz hərəkətlərimizi bu reallıqlardan çıxış edərək quracağıq”, – deyə V.Putin əlavə edib.