Putin ürək sözləri ilə xalqa müraciət etdi

Rusiya Prezidenti Vladimir Putin xalqa müraciət edib. Kreml rəhbərinin budəfəki müraciəti martın 15-dən 17-dək ölkədə keçiriləcək növbədənkənar prezident seçkiləri ilə bağlı olub.

Rusiya Prezidenti ölkə vətəndaşlarından seçkilərə gəlməyi, səsvermədə iştirak etməyi xahiş edib:

“Martın 15-də Rusiyada prezident seçkiləri üçün 3 günlük səsvermə başlayacaq. Onun nəticələri ölkənin növbəti illərdəki inkişafına birbaşa təsir göstərəcək.

Vurğulamaq istəyirəm ki, Rusiyada hakimiyyətin yeganə mənbəyi xalqdır. Bu, Konstitusiyada da təsbit edilib. Onun əsas mənası budur ki, yalnız siz, Rusiya vətəndaşları Vətənin taleyini təyin edirsiniz. Əminəm ki, siz indi ölkəmizin necə çətin bir dönəmdən keçdiyini, qarşımıza hansı çətin vəzifələrin qoyulduğunu düşünürsünüz.

Onlara ləyaqətlə cavab vermək və çətinlikləri uğurla dəf etmək üçün biz həmrəy və özümüzə inamlı olmağa davam etməliyik. Səsinizin hər biri dəyərli və önəmlidir. Ona görə də sizi növbəti üç gün ərzində səsvermə hüququnuzdan istifadə etməyə dəvət edirəm. Biz hər şeyi istədiyimiz kimi edəcəyik. Ona görə də sizdən xahiş edirəm ki, seçkilərə gələrək öz vətəndaşlıq və vətənpərvərlik mövqeyinizi göstərəsiniz”.

Qeyd edək ki, Rusiyada prezident seçkiləri bu il martın 15-dən 17-dək keçiriləcək. Dövlət başçısı postu uğrunda hazırkı Prezident Vladimir Putin, Liberal Demokrat Partiyasının namizədi Leonid Slutski, kommunistlərin namizədi Nikolay Xaritonov və "Yeni insanlar" partiyasının namizədi Vladislav Davankov mübarizə aparacaqlar.