Putin yeni növ silahlar barədə məlumat verdi

"Biz silahlı qüvvələrin hərtərəfli təkmilləşdirilməsini davam etdirəcəyik. Ən mühüm vəzifə Rusiyanın hərbi təhlükəsizliyinin və qlobal sabitliyin əsas təminatı olan nüvə triadasının inkişafıdır”.

Bunu Rusiya Prezidenti Vladimir Putin hərbi universitetlərin məzunları ilə görüşündə bildirib.

Onun sözlərinə görə, Strateji Raket Qüvvələrinin bölmələrinin təxminən yarısı “Yars” kompleksləri ilə artıq təchiz olunub: “Qoşunlarımız həmçinin “Avanqard” hipersəs başlıqlı müasir raket sistemləri ilə təchiz olunacaq. Yaxın gələcəkdə yeni ağır raketlə təmin olunan "Sarmat" strateji raket sistemi döyüş növbəsinə daxil olacaq”.

V.Putin ordunun pilotsuz uçuş aparatları ilə təminatının da davam edəcəyini də vurğulayıb.