Qalatasaray İkardi ilə bağlı yayılan xəbərlərə belə cavab verdi | Detallar açıqlandı

“Qalatasaray”ın ulduz futbolçusu Mauro İkardi keçmiş arvadı Vanda Naranın evinə basqın edib.

Türkiyə mətbuatı xəbər verir ki, M.İkardi şəxsi təyyarəsi ilə Buenos-Ayresə uçub. Qızlarını da özü ilə aparan futbolçu birbaşa V.Naranın yaşadığı evə yollanıb.

İkilinin burada müzakirə etdiyi, xüsusən də Vanda Naranın hamilə olması xəbərinə Mauro İkardinin çox əsəbiləşdiyi və sərt reaksiyalar verdiyi iddia edilib.

Bunun üzərinə Vanda Nara 13B Polis İdarəsinə Mauro İkardiyə qarşı təcili şikayət edib. Vanda Naranın vəkili Ana Rosfeld də bu faktı təsdiqləyib. Məhkəmə M.İkardiyə Vanda Naraya qarşı narahatedici hərəkətlərdən çəkinməyi və noyabrın 15-də Argentina vaxtı ilə saat 10:00-da məhkəməyə gəlməyi əmr edib.

“Qalatasaray” klubu isə argentinalı futbolçu Mauro İkardi barədə yayılan xəbərlərlə bağlı açıqlama yayıb və məlumatı təkzib edib. Klubun rəsmi sosial media hesabından edilən açıqlamada bu ifadələr yer alıb:

“Peşəkar futbolçumuz Mauro İkardi ilə bağlı deyilənlər həqiqəti əks etdirmir. Oyunçumuz Argentinadakı evində dincəlir. İdmançımızı mənən əzmək məqsədi daşıyan bu xəbərlərə diqqət yetirməməyinizi xahiş edirik”.