Qalstanyandan Konstitusiya Məhkəməsinin binasına doğru yürüş | İrəvanda ara yenidən qarışdı

Ermənistanın paytaxtı İrəvanın Respublika meydanında Müqəddəs mübarizə hərakatının lideri Baqrat Qalstanyanın rəhbərliyi ilə mitinq keçirilir.

Mitinqdən sonra B.Qalstanyan və tərəfdarları canlı yayım tələbi ilə İctimai Televiziyanın binasına doğru yürüş ediblər.

Telekanalın direktoru bildirib ki, onlar yepiskopun canlı müsahibəsini efirə verə bilərlər. Baqrat Qalstanyan bununla razılaşıb və İctimai Televiziyada danışıb.

O həmçinin bildirib ki, bu toplanışla mübarizənin həlledici mərhələsi başlayır.

B.Qalstanyanın sözlərinə görə, tərəfdarları ilə Konstitusiya Məhkəməsinin binasına gedəcək. O həmçinin Konstitusiya Məhkəməsinin bütün keçmiş və indiki hakimlərini məhkəmənin qarşısına çıxmağa dəvət edib.

Baqrat Qalstanyan növbəti addımları Konstitusiya Məhkəməsində açıqlayacaqlarını bildirib.