Pleyeri seçin:
Qar fırtınasına görə qatar və aviareyslər ləğv edildi - Baku TV
Yaponiyada yağan qar nəticəsində 16 nəfər həlak olub, təxminən 120 nəfər xəsarət alıb.
Bu barədə yerli hakimiyyət orqanları məlumat yayıb.
Qeyd olunub ki, Hokkaido adasında yağan güclü qar səbəbindən minə yaxın qatar səfəri ləğv edilib və ya gecikib. Ümumilikdə bu, 140 mindən çox sərnişinə təsir edib.
ABŞ-də isə qar fırtınası 18 nəfərin həyatına son qoyub. Rəsmilərin məlumatına görə, Nyu-Yorkda 5, Tennesi ştatında 3, Luizianada 2, Kanzasda isə 1 ölüm hadisəsi qeydə alınıb.
Texas ştatında 16 yaşlı qız xizək sürərkən baş verən bədbəxt hadisə nəticəsində həlak olub.
Ostin rayonunda tərk edilmiş yanacaqdoldurma məntəqəsinin parkinqində bir nəfərin meyiti tapılıb. Onun soyuqdan öldüyü ehtimal olunur.
Nyu-Yorkun Mərkəzi Parkında 28 santimetrdən çox qar yağıb ki, bu da 2022-ci ildən bəri ən güclü qar yağmasıdır. Ölkə daxilində 10 mindən çox uçuş ləğv edilib.
Kopyalandı
Seçilmişlər
