Donald Tramp: Artıq Britaniyaya ehtiyacımız yoxdur
Vaşinqton və London arasındakı tarixi "xüsusi münasibətlər" 2026-cı ilin mart ayında ən dərin böhran dövrünə qədəm qoyub. Baku TV-nin "Dünya" xəbər xidmətinin verdiyi məlumata görə, ABŞ Prezidenti Donald Tramp Britaniya Baş naziri Kir Starmerə ünvanladığı kəskin ismarışda Vaşinqtonun artıq Yaxın Şərqdəki hərbi əməliyyatlar üçün Britaniya bazalarına və dəstəyinə ehtiyacının olmadığını bəyan edib. Martın 11-də G7 liderlərinin iştirakı ilə baş tutan telefon danışığı zamanı səsləndirilən bu ifadələr, transatlantik ittifaqın gələcəyini ciddi sual altına qoyub.
Məlumata əsasən, Donald Trampın qəzəbinə səbəb Londonun İrana qarşı hərbi əməliyyatların başlanğıcında Britaniya hərbi bazalarından istifadəyə icazə verməkdə tərəddüd etməsi olub. "Bunu müharibədən əvvəl təklif etməli idiniz, indi çox gecdir" – deyən Ağ Ev rəhbəri, Britaniya hökumətini "məğlub" adlandırıb və Kir Starmeri transatlantik əlaqələri pozmaqda günahlandırıb. Videoda Trampın "Truth Social" hesabındakı paylaşımları, Britaniya aviadaşıyıcılarının bölgəyə göndərilməsinə verdiyi ironik reaksiya və Londonun Vaşinqtonun yeni xarici siyasət kursundan kənarda qalması təhlil olunur.
#ABŞ teqi istifadə olunub
- ABŞ Çini günahlandırır | Çin rəsmiləri ittihamları rədd etdi - Baku TV
- 60 günlük limit bitir: Tramp müharibə üçün rəsmi icazə ala biləcək? - AKTUAL GÜNDƏM
- ABŞ hərəkətə keçir | İranda daxili parçalanma: Əraqçini kimlər “aradan götürmək” istəyir? - Baku TV
- Qalmaqallı maliyyəçi Epşteyn ilə bağlı yeni detallar üzə çıxıb
- Pezeşkiandan Hörmüz boğazı ilə bağlı kritik mesaj - Baku TV
