Pezeşkiandan Hörmüz boğazı ilə bağlı kritik mesaj - Baku TV

"İran Hörmüz boğazının ABŞ tərəfindən blokadasına səbir edir".

Bunu İran Prezidenti Məsud Pezeşkian "X" sosial şəbəkə hesabında yazıb.

"Dünya İranın sülhpərvərliyinin şahidi olub", – deyə o bildirib.

Prezident əlavə edib ki, hazırda dəniz blokadası adı altında baş verənlər İrana qarşı hərbi əməliyyatın davamıdır: "Bu ədalətsiz yanaşmanın davam etdirilməsi dözülməzdir".

Bu arada, ABŞ Silahlı Qüvvələrinin Birləşmiş Qərargah Rəisləri Komitəsinin sədri, general Den Keyn Senatın Silahlı Qüvvələr Komitəsində Rusiyanın ABŞ qoşunları ilə döyüş əməliyyatlarında İrana yardım göstərdiyini bildirib.

Senatorların suallarını cavablandıran Keyn dinləmələrin açıq xarakter daşıdığını əsas gətirərək detallara varmaqdan imtina edib. Komitənin sədri, respublikaçı senator Rocer Viker isə onunla razılaşaraq bildirib ki, Rusiya ABŞ-nin İranda uğur qazanmaq səylərini zəiflətmək üçün ciddi addımlar atır.