Qətər əmirinin sarayı Trampı heyran qoydu | Daha elə bir saray tikiləcək ki...

ABŞ Prezidenti Donald Tramp Qətərə səfəri çərçivəsində Şeyx Təmim bin Həməd Əl-Tani ilə görüş zamanı onun sarayını yüksək qiymətləndirib.

“Yaxşı evdir. Həqiqətən, əladır. Mən xeyli sayda saraylar, iqamətgahlar görmüşəm, amma bu tamam fərqlidir. Memarlarınız möhtəşəm iş görüb. Tikinti üzrə mütəxəssis kimi deyə bilərəm ki, bu, ideal mərmərdir. Arxitektura dilində buna “perfekto” deyirlər. Çoxdandır belə möhtəşəm ev sahibliyi görməmişdim”, – deyə D.Tramp bildirib.

Xatırladaq ki, D.Trampı heyrətləndirən saray 18-ci əsrdə inşa edilib. Lüks həyat, bahalı avtomobillər və qızıl-zinət əşyalarına sevgisi ilə seçilən Şeyx Təmim bin Həməd Əl-Tani yaxın gələcəkdə daha bir ilkə imza atacaq. Xarici mediada onun özünə yeni ofis tikdirdiyi barədə məlumat paylaşılıb. Adalardan birində tikintisi gedən ofis Ağ Evdən 20 dəfə böyük olacaq.

Sözügedən Hökumət Ofisinin ərsəyə gəlməsi üçün 118 min kvadratmetr ərazi ayrılıb. Aypara şəklində dizayn edilmiş 18 mərtəbəli binanın inşası 187 milyon dollara başa gələ bilər.