Qətərin əmiri İsrailin hücumundan danışdı

16 sentyabr 2025 604 baxış

Qətərin paytaxtı Dohada Fövqəladə Ərəb-İslam sammiti keçirilib.

Sammitin açılışında Qətərin Əmiri şeyx Təmim bin Həməd Al Tani İsrailin Dohaya aviazərbələrindən danışıb.

Onun sözlərinə görə, “əgər İsrail Qətərə dron və təyyarələrlə hücum edirsə, danışıqlar üçün göndərdiyi nümayəndə heyətinə necə qapı açmaq olar?!”.

“Ölkəmizin paytaxtına hücum edilib. Bu sammitin həyata keçirilmə səbəbi də budur. Söhbət HƏMAS liderlərinin olduğu məkanın hədəfə alınmasından gedir. Bu ərazidə yaşayış var. Ətrafında məktəblər yerləşir. 18 nəfər bu hücum nəticəsində yaralanıb.

İsrail tərəfi əsas məqsədin HƏMAS-ın məhvi olduğunu deyir. Əgər məsələ bu yerdədirsə, o zaman biz nəyi müzakirə edirik? Niyə razılaşma, girovlarla bağlı fikir mübadiləsi aparılır? Sülh danışıqlarının tərəfinə sui-qəsd təşkil olunacaqsa, biz İsrail rəsmilərini niyə və necə qəbul edək? Ölkəmizin bombalanması üçün göndərilən heyətlə biz hansı müzakirəni aparmalıyıq?”, – deyə o qeyd edib.

#Qətər