Qəzza ilə bağlı qətnamə qəbul edildi | Müharibə dayandırılır?

BMT Baş Assambleyasında Yaxın Şərqdə davam edən münaqişə ilə bağlı fövqəladə xüsusi sessiya keçirilib və Qəzzada təcili humanitar atəşkəs tələb edən qətnamə qəbul edilib.

BMT Baş Assambleyasının 78-ci sessiyasının prezidenti Dennis Frensisin sədrliyi ilə baş tutan sessiyada İsrail və HƏMAS arasında 2 aydır davam edən qarşıdurmada dərhal humanitar atəşkəs tələb edən qətnamə layihəsi səsə qoyulub. Misirin irəli sürdüyü və Azərbaycanla Türkiyə də daxil olmaqla, təxminən 100 ölkənin birgə təqdim etdiyi sənəd Qəzzada təcili humanitar atəşkəs tələb edən qətnamə qəbul edilib.

Sənədin lehinə 153, əleyhinə 10 ölkə səs verib. 23 dövlət isə bitərəf qalıb.