Qəzzada razılaşma əldə olundu | Hansı ölkələr araya girdi?

İsrail və HƏMAS hərbi qruplaşması arasında Qətər və Fransanın vasitəçiliyi ilə razılıq əldə olunub.

Bu barədə Qətərin Xarici İşlər Nazirliyinin sözçüsü Məcid bin Məhəmməd Əl Ənsari məlumat verib.

O, ölkəsinin Fransa ilə birlikdə tərəflər arasında mülki şəxslərin humanitar yardımla təmin edilməsini nəzərdə tutan razılaşmanın əldə edilməsindəki vasitəçiliyini açıqlayıb.

Onun sözlərinə görə, Qəzza zolağında olan girovların ilkin tibbi yardım vasitələri ilə təmin edilməsi müqabilində regiondakı əhaliyə lazımi humanitar yardım göndəriləcək.