Pleyeri seçin:
Qırğızıstanda evdə Özbəkistana uzanan gizli tunel tapıldı
Qırğızıstanın Özbəkistanla sərhədində kənd sakininin evində iki ölkəni birləşdirən gizli tunel aşkarlanıb.
Qırğızıstan Milli Təhlükəsizlik Dövlət Komitəsindən bildirilib ki, tunel ölkənin Cəlal-Abad vilayətinin Suzak rayonunun Bek-Abad kəndindəki evlərdən birində tapılıb.
Gizli yolun dərinliyi 15 metr, uzunluğu isə 130 metrdir. Tunelin Qırğızıstan dövlət sərhədinə qədər olan hissəsinin 50 metr, hündürlüyünün isə 1 metr 70 santimetr olduğu müəyyən edilib.
Yeraltı yoldan qanunsuz miqrasiya və yük daşınması üçün istifadə edilib.
Aparılan əməliyyat zamanı tunel aşkarlanan evin sahibi saxlanılıb.
Hadisə ilə əlaqəsi olan və sözügedən gizli yoldan istifadə edərək sərhədi qanunsuz keçən şəxslərin, habelə qanunsuz keçirilən malların müəyyən edilməsi istiqamətində işlərin davam etdirildiyi bildirilir.
Qeyd edək ki, Qırğızıstanla Özbəkistan kəndlərinin bir-birinə çox yaxın olduğu sərhəd xətlərində vaxtaşırı gizli tunellər aşkarlanır.
Kopyalandı
#Qırğızıstan teqi istifadə olunub
- Sadır Japarov: "Qırğızıstanda çevriliş olmayacaq"
- Qırğızıstan hakimiyyətində qarışıqlıq salan kimlərdir? | Japarovdan kritik qərar - Baku TV
- Qırğızıstanda cinsiyyət dəyişikliyi qadağan edilir
- Qırğızıstanda aliment ödəməyənlər həbs olunacaq
- SOCAR Qırğızıstanda əməkdaşlıq imkanlarını dəyərləndirib - Baku TV
Seçilmişlər
