Pleyeri seçin:
Qış fırtınası səbəbindən 132 min ev işıqsız qalıb, ölənlər var
ABŞ-də qış fırtınası səbəbindən təxminən 132 min ev elektriksiz qalıb və 12 mindən çox uçuş ləğv edilib.
Texas, Luiziana və Nyu-Yorkdan Orta qərb və Atlantika regionuna kimi 37 ştat pis hava şəraitindən əziyyət çəkir.
Nyu-Yorkda 3 nəfərin öldüyü bildirilir. 18 ştatda artıq fövqəladə vəziyyət elan olunub. Temperaturun mənfi 10-40 dərəcəyədək düşəcəyi deyilir.
Fırtına ilə əlaqədar insanların marketlərə kütləvi axını müşahidə edilib. Sakinlər daha çox çörək, su, yumurta, ət və süd məhsulları, kartof, soğan kimi tərəvəz məhsullarını alıblar.
Təxminən 200 milyon insanı əhatə edəcəyi düşünülən qarın son 10 ilin ən güclü fırtınası olacağı proqnozlaşdırılır. Buna görə də ölkədə bunu “tarixi qış” adlandırırlar.
Qarın qalınlığının paytaxt Vaşinqtonda 20-30 santimetr olacağı, bəzi ştatlarda isə bir metrə çatacağı gözlənilir.
Kopyalandı
