"F-16"lar aləmi qatdı | ABŞ-də Türkiyə ilə bağlı xaos

ABŞ Konqresində Vaşinqton və Ankara arasında “F-16” qırıcı-bombardmançı təyyarələrə dair razılaşmanın həyata keçirilməsinə mane olmaq cəhdi uğursuzluqla nəticələnib.

Senatın üzvü Rend Pol Türkiyəyə yeni “F-16” təyyarələri, müvafiq avadanlıq və silahlar verilməsini, Ankaranın artıq malik olduğu bu hərbi texnikanı modernləşdirməsini qadağan edən qətnamə layihəsi hazırlayıb. Konqresin yuxarı palatasında isə bu təşəbbüsün rədd edilməsi qərara alınıb.

79 senator qətnamənin Konqresin yuxarı palatasına təqdim edilməsinin əleyhinə çıxış edib, 13 nəfər isə lehinə olub. Beləliklə, səsvermənin nəticələrinə görə qətnamə baxılmaq üçün Senata təqdim edilə bilməz.

Qeyd edək ki, Ağ Evin təklif etdiyi silah və hərbi texnikanın ixracına dair iri müqavilələri Senat 30 gün müddətinə bloklamaq səlahiyyətinə malikdir.