"Koza Nostra" mafiyasının lideri saxlanıldı

İtaliyada ən çox axtarılan narkobaran Matteo Messina Denaro 30 ildən sonra həbs edilib.

Yerli medianın məlumatına görə, o, Siciliyada müalicə aldığı zaman karabiner dəstəsi tərəfindən saxlanılıb. Əməliyyata 100-dən çox asayiş keşikçisi cəlb olunub.

Məhkəmənin qərarına əsasən, Matteo Denaro 2002-ci ildə törətdiyi cinayətlərə görə barəsində ömürlük həbs qərarı verilib. Onun məşhur Koza-Nostra mafiya qruplaşmasına da liderlik etdiyi iddia olunur.

İtaliyanın Baş naziri Corca Meloni narkobaronun tutulmasına görə xüsusi qüvvələrə təşəkkür edib və deyib ki, bu hadisə İtaliya üçün böyük qələbədir.