Pleyeri seçin:
"Vaqnerçilər" Rusiya hərbçilərinə "qan uddurur"
Rusiya Silahlı Qüvvələrinin polkovnik-leytenantı Roman Vinivitin “Vaqner” muzdlu hərbi təşkilatının nümayəndələri tərəfindən hansı işgəncələrə məruz qaldığını açıqlayıb.
Bu barədə görüntülər “Baza” “Telegram” kanalında yayılıb. Rusiyalı polkovnik bildirib ki, bölmələri ilə ərazini gəzərkən “Vaqner”in əməkdaşları onu əsir götürüb:
“Onlar məni zirzəmidə saxladılar, heç bir qəzəbli Rusiya əsgərinin əsir götürdüyü Ukrayna hərbçisinə etmədiyi işgəncəni verdilər. Döydülər, yatmağa qoymadılar, gecə üç dəfə zirzəmidən çıxarıb güllələməyə çalışdılar”.
Polkovnik-leytenant qeyd edib ki, onun briqadası ilə “Vaqnerçilər” arasında münasibətlərdə gərginlik Rusiya Ordusunun Artemovsk istiqamətinə köçürülməsinin ilk günlərindən başlayıb.
R.Vinivitinin sözlərinə görə, “Vaqnerçilər” onlardan iki “T-80” tankı, dörd mərmi, bir “KamAZ” və bir piyada döyüş maşını oğurlayıb.
Kopyalandı
