Roma Papası atəşkəs çağırışı etdi

Roma Papası XIV Leo genişlənən İran müharibəsində artan düşmənçilik və gərginlikdən narahatlığını ifadə edərək ABŞ-nin Yaxın Şərqə minlərlə əsgər göndərməyi planlaşdırdığı barədə xəbərlər fonunda atəşkəs çağırışlarını təkrarlayıb:

"Atəşkəs çağırışını yenidən təkrarlamaq, sülh üçün çalışmaq, lakin silahla deyil, dialoq yolu ilə həqiqətən də hər kəs üçün həll yolu axtarmaq istəyirəm. İndi nifrət və zorakılıq artır, getdikcə daha da pisləşir. Bir milyondan çox insan didərgin düşüb və çox sayda ölən var. Sülh üçün dua etmək istəyirik, eyni zamanda bütün hakimiyyət orqanlarını problemləri həll etmək üçün həqiqətən dialoq yolu ilə işləməyə dəvət edirəm".

Roma Papası münaqişəni "bəşəriyyətin rüsvayçılığı" adlandırıb.

Qeyd edək ki, İran Xarici İşlər Nazirliyinin rəsmi nümayəndəsi İsmayıl Bəqai İranın son bir neçə gün ərzində müxtəlif ölkələrdən Tehran və Vaşinqton arasında danışıqların təşkilində vasitəçi kimi çıxış etmək təklifləri ilə bağlı sorğular aldığını qeyd edib.

Diplomatın sözlərinə görə, ABŞ və İsrailin İranla danışıqlar aparmaq niyyəti ilə bağlı bəyanatları etibarlı deyil, çünki münaqişəni məhz onlar başladıblar.

Bundan əlavə, Atom Enerjisi üzrə Beynəlxalq Agentliyin rəhbəri Rafael Qrossi bildirib ki, İran və ABŞ arasında atəşkəs və nüvə sazişinin əldə olunması məsələləri üzrə danışıqlar 28-29 mart tarixlərində Pakistanda keçirilə bilər.