Dünya
Pleyeri seçin:
Rus qızı döyən ABŞ əsgəri saxlanıldı | ABŞ açıqlama vermədi
Rusiyanın Vladivostok şəhərində ABŞ hərbçisi saxlanılıb. Bu barədə yerli media məlumat yayıb.
Xarici KİV-də yayılan xəbərə görə, 34 yaşlı Qordon Blek ABŞ ordusunda serjant olub. Cənubi Koreyada hərbi bazada xidmət keçən Blek tezliklə xidmətini davam etdirmək üçün Texasa getməli olub. ABŞ-yə uçmazdan əvvəl Blek təxminən iki il əvvəl Cənubi Koreyada tanış olduğu, Vladivostokdan olan rusiyalı sevgilisinin evinə qonaq gedib. Görüş zamanı onlar mübahisə ediblər.
Qızın dediyinə görə, hərbçi onu döyüb və 200 min rubl məbləğində pulunu və spirtli içkini oğurlayıb.
Məlumata görə, Qordon Blek artıq saxlanılıb və iyulun 2-dək Vladivostokdakı istintaq təcridxanasına yerləşdirilib.
Ağ Ev baş verənlərdən xəbərdardır, ABŞ-nin Moskvadakı səfirliyi konsulluq vasitəsilə əsgərlə əlaqə yaradılmasına çalışır. Pentaqon sözçüsü məsələnin incəliyini əsas gətirərək heç bir əlavə məlumat verməyib.
Kopyalandı
Seçilmişlər
