Rusiya ABŞ ilə hansı məsələdə müzakirə aparmaq niyyətindədir? - Baku TV
Rusiya xarici işlər nazirinin müavini Aleksandr Qruşko Moskvanın 2026-cı ildə Almaniyada uzaqmənzilli raketlərin yerləşdirilməsi məsələsini ABŞ ilə dialoq çərçivəsində müzakirə etməyə hazır olduğunu açıqlayıb.
Aleksandr Qruşko bu barədə “İzvestiya” qəzetinə müsahibəsində danışıb.
Onun sözlərinə görə, Rusiya heç vaxt danışıqlardan yayınmayıb. ABŞ-nin Orta və Kiçik Mənzilli Raketlər haqqında Müqavilədən çıxmasından sonra Moskva bu tip sistemlərin yerləşdirilməsinə moratorium elan edib və Avropada Amerika raketləri peyda olana qədər onları yerləşdirməyəcəyini bəyan edib.
Qruşko qeyd edib ki, Rusiyanın mövqeyi dəfələrlə ABŞ tərəfinə çatdırılıb və Avropa ölkələrinə də məlumdur.
Bununla yanaşı, o, Avropada militarist əhval-ruhiyyənin üstünlük təşkil etdiyini vurğulayıb. Diplomat Avropanın hazırkı addımlarını Rusiyaya qarşı təhlükəsizlik qurmaq cəhdi kimi qiymətləndirib və belə siyasəti “çıxılmaz yol” adlandırıb. Onun fikrincə, təhlükəsizlik başqalarının hesabına qurula bilməz.
#Rusiya Xarici İşlər Nazirliyi teqi istifadə olunub
- Moskvadan İrəvana açıq mesaj | Bu, artıq aktual məsələdir
- Rusiyadan ultimatum
- “Ermənistan Aİ və AİB arasında təcili seçim etməlidir, yoxsa...” | Sergey Lavrov
- "Rusiya süni böhranlarla bu ölkələri hədəf alır" | Ekspertlər nələri açıqladı? - Baku TV
- Ermənistan kritik seçim qarşısında | Moskvadan İrəvana xəbərdarlıq - Baku TV CANLI
