Rusiya Kanadanın Navalnı ilə bağlı iddiasına sərt reaksiya verib

Rusiya və Kanada arasında diplomatik qarşıdurma yeni müstəviyə keçib. Baku TV-nin xarici siyasət şöbəsinin verdiyi məlumata görə, Rusiya Xarici İşlər Nazirliyi Kanadanın Aleksey Navalnı ilə bağlı irəli sürdüyü yeni ittihamlara və tətbiq etdiyi sanksiyalara olduqca sərt reaksiya verib. Rəsmi Moskva Ottavanın bu addımını Rusiyanın daxili işlərinə kobud müdaxilə və "qeyri-dost addım" kimi qiymətləndirib.

Kanada hökumətinin Navalnı işi ilə əlaqədar bir qrup Rusiya rəsmisinə qarşı əlavə məhdudiyyətlər tətbiq etməsi Moskvada kəskin etirazla qarşılanıb. Rusiya tərəfi bəyan edib ki, Kanadanın bu cür cəhdləri ikitərəfli münasibətləri tamamilə qırılma nöqtəsinə gətirir və "cavab tədbirləri qaçılmazdır". Videoda Rusiya XİN-in rəsmi nümayəndəsinin bəyanatı, Kanada tərəfinin iddialarının hüquqi əsasları barədə mübahisələr və bu gərginliyin Arktika regionundakı əməkdaşlığa mümkün mənfi təsirləri barədə təhlillər yer alır.