Rusiya miqrantlara qarşı qaydaları sərtləşdirir | Dəyişikliklərin detalları açıqlandı
Rusiyada miqrantlara qarşı qaydalar və yoxlanışlar sərtləşdirilir. Əcnəbilərin Rusiyaya gəlişi prosesi dəyişdirilə bilər.
Belə bir təkliflə deputat Sergey Mironov çıxış edib.
O, ölkəyə gələn miqrantlar üçün karantin tətbiq etməyi, gələcəkdə isə iş vizalarının yalnız həkim arayışı ilə verilməsini tələb edib.
S.Mironov hesab edir ki, miqrantlar arasında meninqokok infeksiyasına yoluxma halları kəskin artdığı üçün belə bir qərarın verilməsi zəruridir.
Virusa yoluxanların 2,5 dəfədən çox artdığını söyləyən millət vəkili bunu peyvəndi olmayan miqrantların axını ilə əlaqələndirib:
“Miqrantlara iş vizası yalnız peyvəndləri olan və təhlükəli yoluxucu xəstəliklərin olmadığını təsdiq edən tibbi arayışlar əsasında verilməlidir”.
S.Mironov əlavə edib ki, miqrantları ölkəyə buraxdıqdan sonra onları tutmaq faydasızdır.
Qeyd edək ki, bir müddət öncə Rusiya Səhiyyə Nazirliyinin baş infeksionisti Vladimir Çulanov bildirib ki, 2025-ci ilin əvvəlindən Rusiyada 1,2 min meningit xəstəsi qeydə alınıb. Bu da 2024-cü illə müqayisədə iki dəfə çoxdur.
#Rusiya teqi istifadə olunub
- Rusiyanın dondurulmuş aktivlərinin müddətsiz bloklanması təsdiqlənib
- Belçika Rusiya aktivlərinin qarşılığında Aİ-dən bunları tələb edir - Baku TV CANLI
- Rusiyanın aktivləri müsadirə ediləcək? | Aİ-dən qərar - Baku TV CANLI
- Erməni Baş nazir bir saat Moskva səmasında niyə qaldı?
- Paşinyan bir saat havada qaldı | Moskva səmasında nə baş verdi? - Baku TV
