Rusiya miqrantlara qarşı yenidən hərəkətə keçdi | Detallar ortaya çıxdı

06 fevral 2025 365 baxış

Rusiya Daxili İşlər Nazirliyinin saytında qanunu pozan miqrantlara nəzarət edən reyestr yaradılıb.

Ölkə mətbuatında yer alan məlumata görə, həmin reyestrdə xarici vətəndaşların məlumatlarını yoxlamaq mümkün olacaq. Birinci mərhələdə Daxili İşlər Nazirliyi miqrasiya qeydiyyatı üzrə dövlət informasiya sistemindən istifadə etməklə məlumatları reyestrə daxil edəcək.

Qeyd edək ki, fevralın 5-də Rusiyada 2024-cü ilin sonunda qəbul olunan sərtləşdirilmiş miqrasiya qanunu qüvvəyə minib. Həmin qanunun müddəalarından biri də qanunu pozan miqrantların reyestrinin yaradılmasıdır.

Daxili İşlər Nazirliyi miqrantların reyestrinə kimlərin daxil ediləcəyini açıqlayıb. Belə ki, reyestrə xarici vətəndaşlar haqqında məlumatlar Rusiya ərazisində müvəqqəti olma, müvəqqəti yaşama icazəsi, yaşayış icazəsi, patent, iş icazəsi, əmək müqaviləsinin müddəti bitdikdə, habelə qaçqın kimi tanınmaqdan və müvəqqəti sığınacaq verilməsindən imtina etdikdə daxil edilir.

#Rusiya Daxili İşlər Nazirliyi