Rusiya müharibə üçün gizli danışıqlar aparır | “Putin Şoyqunu ona görə göndərdi ki...”
Rusiya Təhlükəsizlik Şurasının katibi Sergey Şoyqu Rusiya Prezidenti Vladimir Putinin tapşırığı ilə Pxenyana gedib.
O, Kim Çen Inla görüşəcək. Bu, Şoyqunun iki ay ərzində Pxenyana ikinci səfəridir.
Rusiya Təhlükəsizlik Şurasının mətbuat xidmətindən verilən məlumata görə, danışıqlar zamanı “Rusiya Federasiyası ilə Koreya Xalq Demokratik Respublikası arasında Hərtərəfli Strateji Tərəfdaşlıq haqqında Müqavilənin bəzi bəndlərinin icrası, habelə Kursk vilayətinin azad edilməsində kömək edən koreyalı döyüşçülərin xatirəsinin əbədiləşdirilməsi” məsələlərinin müzakirə ediləcəyi gözlənilir. Bundan əlavə, beynəlxalq gündəmdəki cari məsələlərin, o cümlədən Ukrayna ətrafında vəziyyətin müzakirə edilməsi planlaşdırılır.
Rusiya Federasiyası Təhlükəsizlik Şurasının katibinin KXDR-ə əvvəlki səfəri martın 21-də olub. Həmin vaxt o, Kim Çen In tərəfindən də qəbul edilib və danışıqlar iki saata yaxın davam edib.
Ukrayna mənbələrinə görə, Şoyqu Pxenyanla Ukrayna ərazisində döyüşmək üçün Şimali Koreyadan əlavə hərbi qüvvələrin gətirilməsi məsələsini müzakirə edəcək.
#Rusiya Təhlükəsizlik Şurası teqi istifadə olunub
- "Azərbaycan və Ermənistan arasında münasibətlər tam şəkildə tənzimlənməyib" | Sergey Şoyqu
- Dmitri Medvedev ABŞ-nin Ukraynaya “Tomahawk” göndərməsini tənqid etdi
- Rusiya sahillərinə nüvə sualtı gəmiləri göndərilmədi | Medvedev
- Putin və Tramp arasındakı zəng sübut etdi ki... | Medvedevdən qalmaqallı paylaşım
- Rusiyadan Ermənistana “ehtiyatlı olun” çağırışı
