Rusiya Ordusundan Odessadakı limana hücum

Rusiya Ordusu Odessa vilayətinin liman infrastrukturuna ballistik raketlərlə zərbələr endirib.

Bu barədə Odessa Vilayət Hərbi Administrasiyası məlumat yayıb.

Bildirilib ki, hücum nəticəsində 7 nəfər həlak olub, 15 nəfər isə xəsarət alıb.

Qeyd edilib ki, axşam saatlarında Odessa rayonunda yerləşən liman infrastruktur obyektinə kütləvi ballistik raket hücumu həyata keçirilib. Zərbə nəticəsində dayanacaqda olan yük avtomobillərində yanğın baş verib.

"Davam edən hava həyəcan siqnalları səbəbindən operativ və fövqəladə xidmətlərin işi çətinləşib", – deyə Hərbi Administrasiyadan bildirilib.

Qeyd edək ki, Ukrayna Silahlı Qüvvələri dekabrın 19-da Rusiyanın Pokrovsk rayonunda yerləşdirdiyi onlarla zirehli texnikanı məhv edib. Bundan əlavə, "Lasar qrupu"nun bölmələri 5 tank, 6 döyüş zirehli maşını, 2 hərbi avtomobil və 4 minik nəqliyyat vasitəsinə ziyan vurublar.