Rusiya üçün həyəcan təbili | “Türkiyə ssenarisi”nin qarşısını almaq üçün hərəkətə keçdilər

Rusiyada iqtisadçılar 2025-ci ildə iqtisadi durğunluq və yüksək inflyasiya riskinin kəskin artmasından narahatdırlar.

Bu barədə RBK məlumat yayıb.

Bildirilib ki, həm yüksək inflyasiya, həm də yüksək faiz dərəcələri ehtimalı Rusiyada “Türkiyə ssenarisi”nin yaşanması reallığını yaradır.

Analitiklər qeyd edirlər ki, Rusiya Mərkəzi Bankı belə ssenarinin qarşısını almaq üçün sərt pul siyasəti həyata keçirir.

İqtisadçıların fikrincə, 2025-ci ildə staqflyasiya hələ əsas ssenari olmasa da, son aylarda risklər artıb.

Rusiya Mərkəzi Bankının həyata keçirdiyi sərt pul siyasəti “Türkiyə ssenarisi”ndən qaçmaq cəhdi kimi qiymətləndirilir, lakin bu siyasətin iqtisadi artıma uzunmüddətli təsiri, xüsusən də beynəlxalq sanksiyaların davamlı təsiri fonunda qeyri-müəyyən olaraq qalır.