Rusiya və ABŞ arasında növbəti gərginlik | Ağ Ev hərəkətə keçdi

Rusiya qoşunları Nigerdə ABŞ hərbçilərinin yerləşdiyi hava bazasına daxil olub. Ölkənin müdafiə naziri bununla bağlı açıqlama verib.

Bildirib ki, rəsmi Vaşinqton sözügedən məsələdə təhlükə yaradacaq qədər əhəmiyyətli bir problem görmür:

“Nigerdə rusiyalıların bizim qoşunlarımızla eyni bazada olması barədə onu deyə bilərəm ki, fikrimcə, siz ABŞ ordusunun yerləşdiyi 101 Hava Bazasının Niger Hərbi Hava Qüvvələri bazası olduğundan xəbərdarsınız. Bundan əlavə, paytaxtda yerləşən beynəlxalq hava limanından Rusiya ordusunun ABŞ qüvvələrinə və ya hərbi texnikasına çıxışı yoxdur. Qoşunlarımızın təhlükəsizliyi və müdafiəsi ilə bağlı biz regionda baş verənləri izləməyə davam edəcəyik. Lakin mən burada müdafiəmizə təhlükə yaradacaq qədər əhəmiyyətli bir problem görmürəm”.

Pentaqon rəhbərinin narahatlığa heç bir əsasın olmadığını deməsinə baxmayaraq, rəsmi Vaşinqton danışıqların aparılması məqsədilə generallardan birini Nigerə göndərib.

O da bildirilib ki, Nigerdəki amerikalı hərbçilərinin gələcəyi ilə bağlı hələlik heç bir qərar verilməyib.