Rusiya və Ukrayna arasında əsir mübadiləsi | Neçə əsir vətəninə qayıtdı?

Rusiya ilə Ukrayna arasında növbəti əsir mübadiləsi baş tutub.

Bu barədə Ukrayna Prezidenti Volodimir Zelenski “Telegram” kanalında paylaşım edib. O bildirib ki, qarşılıqlı olaraq 75 hərbi əsir dəyişdirilib.

Ukrayna tərəfinin açıqlamasına görə, onların arasında Silahlı Qüvvələrin, Milli Qvardiyanın hərbçiləri, sərhədçilər və dörd mülki şəxs var.

Rusiya Müdafiə Nazirliyinin məlumatında isə qeyd olunub ki, 75 Rusiya hərbçisi əsirlikdən azad olunaraq geri qaytarılıb.

Hərbi əsirlərin mübadiləsi prosesinə Birləşmiş Ərəb Əmirliklərinin vasitəçilik etdiyi bildirilir.