Rusiyada qorxulu hadisə | Sel insanlara dəhşət yaşatdı

Rusiyanın Kabardin-Balkar Respublikasının Elbrus rayonunda sel nəticəsində evləri su basıb. 372 nəfər təxliyə edilib.

Bu barədə Rusiya Fövqəladə Hallar Nazirliyinin regional idarəsi məlumat verib.

Həmçinin qeyd edilib ki, növbəti sel təhlükəsi qalmaqdadır. Sel səbəbi ilə evlərin su təchizatında da problemlər yaranıb, 3 min nəfər susuz qalıb.

“Sel nəticəsində yaxınlıqda yerləşən yaşayış binaları təhlükə altına düşüb. Buna görə 372 nəfər təxliyə edilib. Xüsusi təcili yardım məntəqəsi hazırlanıb, 30 nəfər artıq ora yerləşdirilib. Tırnıauz şəhərinin 700 yaşayış binası susuz qalıb. Qaz və işığın verilişində də ara-sıra problemlər yaranıb”, – deyə Rusiya FHN-in əməkdaşı bildirib.

O əlavə edib ki, bütün təcili yardım xidmətləri yüksək hazırlıq vəziyyətinə gətirilib. Problemin aradan qaldırılması istiqamətində işlər davam edir.