Rusiyada təxribat törətmək istəyən şəxsə cinayət işi açıldı

Saratovda ölkə ərazisində təxribat törətməyi planlaşdıran “Rusiyanın azadlığı” legionunun üzvləri ələ keçirilib. Bu barədə yerli mediada məlumat paylaşılıb.

Qeyd olunub ki, tutulanlardan biri israrla sosial şəbəkə hesabları vasitəsilə terrorçularla əlaqə saxlayıb və onlara təxribat törətməyə hazır olduğunu bildirib. Hadisədən xəbər tutan hüquq-mühafizə orqanlarının əməkdaşları özünü legion üzvü adlandıran şəxsin yerini müəyyən edərək onu ələ keçirib.

Medianın məlumatına görə, ona Rusiya Federasiyası Cinayət Məcəlləsinin “Xarici təşkilatla məxfi əsaslarla əməkdaşlıq” maddəsi ilə cinayət işi açılıb. Qeyd olunub ki, onu 8 ilədək həbs cəzası gözləyir.