Rusiyadan iddia: Ukraynaya taxıl adı ilə silah aparılır

“Türk gəmisi Ukraynaya partlayıcı daşımış ola bilər”. Bu barədə məlumat rus kəşfiyyatına istinadən yayılıb.

Rusiyanın keçən həftə ləğv etdiyi taxıl dəhlizi razılaşmasından sonra Rusiya kəşfiyyatından iki dövlət arasında əlavə gərginliyə səbəb olacaq bir iddia gəlib.

Xarici xəbər agentliklərinun yadığı xəbərdə deyilir ki, Rusiyanın Federal Təhlükəsizlik Xidməti belə bir açıqlama yayıb: “Türkiyədən Rusiyanın Rostov şəhərinə taxıl daşımaq üçün gələn nəqliyyat vasitəsində partlayıcı maddələrin izləri aşkar edilib”.

Rusiya xəbər agentliyi TASS-ın yaydığı xəbərdə bildirilir ki, sözügedən gəminin may ayında Ukraynanın Kiliya limanında lövbər saldığı və bu gəminin Ukraynaya partlayıcı daşımış ola biləcəyi ehtimalı var.

Son zamanlar Türkiyə- Rusiya münasibətlərində ciddi ziddiyətlərin ortaya çıxması diqqətlə izlənilən proseslərdəndi. Bu zamana qədər hər iki dövlət bir-biri ilə maksimum uzlaşan münasibətlər sistemi qurmağa çalışırdılarsa, artıq vəziyyət sanki dəyişməyə başlayıb. Amma bəzi ekspertlər isə yaranmış vəziyyətin görüntü xarakteri daşıdığını və hər iki dövlət liderinin strateji razılaşmalara sadiq qalacağını bildirirlər.