Rusiyalı deputatın qorxulu səs yazısı yayıldı

Rusiyalı deputat, general-leytenant Andrey Qurulevin Kremlin Qazaxıstana qarşı hücum planı hazırlamasından bəhs edən səsli mesajı yayılıb.

Sosial şəbəkələrin Rusiya və Qazaxıstan seqmentində paylaşılan səs yazısında qeyd olunub ki, “Ukraynadan sonra növbə Qazaxıstanındır. Ukraynanın vəziyyətini görən qazaxıstanlılar növbəti hədəf olduqlarından çox narahatdırlar. Amma həqiqətən də, növbədə onlar olacaqlar”.

Paylaşım sosial şəbəkələrdə ciddi müzakirələrə səbəb olub. Daha sonra Andrey Qurulev videomüraciət paylaşıb və səs yazısının ona aid olmadığını, bunun təxribat xarakteri daşıdığını bildirib.

Qeyd edib ki, bu, Qazaxıstanla Rusiyanın arasını vurmaq istəyən ukraynalıların işidir. O, hər kəsi bu kimi təxribatlara uymamağa səsləyib.