Rusiyalıları təşvişə salan terror hücumu | FTX məlumat yaydı

Rusiyada kilsəyə terror hücumunun qarşısı alınıb.

Bu barədə ölkənin Federal Təhlükəsizlik Xidməti xəbər yayıb.

Bildirilib ki, Mərkəzi Asiya ölkələrindən birinin vətəndaşı, Rusiyada qadağan edilmiş beynəlxalq terror təşkilatının üzvü Maykopda pravoslav kilsəsinə qarşı terror hücumu planlaşdırıb.

Həmin şəxs kilsənin din xadimlərinə və mühafizəçilərinə hücum etmək, onları öldürmək sonra isə binanı yandırmaq, ardınca da başqa bir ölkəyə qaçmaq istəyib.

“Öz planını həyata keçirmək üçün xarici vətəndaş ərazidə kəşfiyyat aparıb, hücum sxemini hazırlayıb, həmçinin əldəqayırma yandırıcı qurğu düzəldib. O, terror aktını videoya çəkməyi və onu beynəlxalq terror təşkilatlarının ideyalarının təbliğatı məqsədilə internetdə yerləşdirməyi planlaşdırıb”, – deyə məlumatda qeyd olunub.