Rusiyanın bu məqsədi heç vaxt dəyişmədi | 2025-ci il üçün planın detalları

03 mart 2025 590 baxış

Rusiyanın 2025-ci il üçün planlarına Ukraynanın Donetsk və Luqansk vilayətlərinin bütün ərazisini ələ keçirmək və əvvəllər işğal olunmuş ərazilərə nəzarəti saxlamaq daxildir.

Bu barədə Ukrayna Müdafiə Nazirliyinin Hərbi İnkişaf İdarəsinin rəis müavini general-mayor Vadim Skibitski məlumat verib.

General deyib ki, Rusiya rəhbərliyi müharibə ilə bağlı planlarına daim düzəlişlər edir, amma strateji məqsəd eyni olaraq qalır – Ukrayna üzərində tam işğal və nəzarət.

“Ruslar artıq öz sənədlərində qeyd ediblər ki, Ukrayna və ümumilikdə Ukrayna rəhbərliyi neytral və ya Rusiya yönümlü olmalıdır”, – V.Skibitski vurğulayıb.

2025-ci il üçün planlara gəlincə isə ukraynalı general vurğulayıb:

“Bu gün Rusiyanın qarşıya qoyduğu əsas məqsəd Donetsk və Luqansk vilayətlərinin bütün ərazisini ələ keçirmək, “xüsusi hərbi əməliyyat” çərçivəsində Kremlin tapşırıqlarını yerinə yetirmək, ələ keçirilən ərazilərə nəzarəti saxlamaqdır”.

#Ukrayna Müdafiə Nazirliyi