Rusların telefonlarına terrorla bağlı təhlükəli çağırış mesajları gəlir

Rusiyada mobil telefonlara müxtəlif çatlar vasitəsilə pul müqabilində terror törətmək təklif edilir.

Kimisi bunu yaxşı gəlir mənbəyi kimi təqdim edərək söhbətə başlayır, kimisi isə “mənə yox desən səni tapıb öldürəcəyəm” deyə hədə-qorxu gəlir. Terroru törətməyə təhrik edilənlərə 1 milyon 500 min rubl, təqribən 27750 manat təklif edilir. Karta köçürüləcək ilkin məbləğ isə 750 min rubl (13 875) manatdır.

Təklifdə bildirilir ki, vəsait yalnız silahları və koordinasiya haqqında məlumatları qəbul etdikdən sonra köçürülür. Yazışmaların birində “belə çağırışdan mən qorxuram, bacarmaram” deyənə isə “qəti narahat olma, sən hadisəni törətdikdən sonra bizim adamlar səni oradan çıxaracaqlar. Sənə saxta sənədlər hazırlayıb Belarus sərhədinə kimi təhlükəsizliyini təmin edəcəklər” deyə bildirilib.

Partlayış və kütləvi ölümlərin icra edilməsi üçün isə Moskva, Piter və Bolakova regionlarında yerləşən “Green House” ticarət mərkəzləri seçilib.