Rutte Rusiya və Ukrayna arasındakı sülhdən danışdı | Qalmaqallı açıqlama
Rusiya bu günədək Ukrayna ilə sülh danışıqlarına ciddi yanaşdığını nümayiş etdirməyib.
Bu barədə NATO-nun Baş katibi Mark Rutte NATO İctimai Forumu çərçivəsində çıxışı zamanı danışıb.
“Mən o danışıqlardan danışmıram ki, orada hansısa rusiyalı tarixçi min illər əvvələ qayıdaraq məsuliyyəti üzərindən atmağa çalışır. Bu, ciddi əsas deyil”, – Mark Rutte qeyd edib.
Bu fikirlərlə o, Vladimir Putinin köməkçisi və İstanbul danışıqlarında Rusiya nümayəndə heyətinə rəhbərlik etmiş Vladimir Medinskini nəzərdə tutub.
V.Medinski o vaxt bəyan etmişdi ki, Rusiya bir neçə əsr əvvəl İsveçlə müharibələr aparıb və bu tarixi faktlar bugünkü vəziyyətə təsir edir.
M.Rutte vurğulayıb ki, Ukrayna İstanbul danışıqlarına yüksək səviyyəli nümayəndə heyəti göndərmişdi, lakin Rusiya ciddi münasibət nümayiş etdirməyib.
“Ümid edirəm ki, yaxın gələcəkdə həqiqi, ciddi danışıqlar başlayacaq və yalnız atəşkəsə deyil, eyni zamanda ədalətli və davamlı sülhə nail olunacaq. Vladimir Vladimiroviç Putin bir daha Ukraynanın bir qarış torpağını belə ələ keçirmək fikrinə düşməyəcək”, – deyə holland siyasətçi qeyd edib.
#NATO teqi istifadə olunub
- Rusiyanı yeni hərbi təhdid gözləyir? | Putin açıqlama verdi
- Pistorius Litvada hərbi təlimləri izləyib
- Putinə təzyiqlər artır? | Ukrayna G7, NATO və Aİ iclaslarından nə qazandı? - Baku TV
- Rusiyadan Ermənistana etiraz notası | İrəvan seçim qarşısında - Baku TV
- NATO ölkələrinə xəbərdarlıq edən Pit Heqset nələr dedi? - Baku TV CANLI
