Pleyeri seçin:
Sanki termal qutudasan və... | Alman kəşfiyyatçıların işinə nə əngəl oldu?
Almaniya Federal Kəşfiyyat Xidmətinin (BND) əməkdaşları ofislərində dözülməz istilər səbəbindən diqqətlərini işə cəmləyə bilmirlər. Bu barədə “Bild am Sonntag” nəşri məlumat yayıb.
Məlumata görə, hazırda BND-nin Berlindəki mənzil qərargahı isti sobanı xatırladır, 4 min işçinin çalışdığı ofisdə 3500 ventilyator işləyir ki, bu da kömək etmir. Ofisdə kondisioner yoxdur.
“Bəzən temperatur 30-35 dərəcəyə qalxır. Diqqəti işə cəmləmək çətin olur”, – xidmətin əməkdaşlarından biri nəşrə açıqlamasında deyib.
Nəşr bildirib ki, Federal Kəşfiyyat Xidmətinin mənzil qərargahında anomal istilər binaların xüsusi metal fasadla üzlənməsi ilə bağlıdır. Bunun üçün 20 min tondan çox metal istifadə olunub.
“Burada sanki termal qutudasan və pəncərələr yanan şüşəyə bənzəyir”, – məlumatda qeyd edilib.
Kopyalandı
