Sanksiyalarla çarpışan Rusiyanın iqtisadiyyatı durmadan böyüyür

Rusiya dövlət büdcəsinə pul axını ilə bağlı “davamlı müsbət dinamika” yaşayır. Bu barədə məlumatı Rusiya Maliyyə Nazirliyi açıqlayıb.

İlin ilk üç ayı ərzində gəlirlər 2023-cü ilin eyni dövrü ilə müqayisədə 53,5 faiz artaraq 8,7 trilyon rubl (94 milyard dollar) təşkil edib.

“Bloomberg” xəbər verir ki, Rusiya Mərkəzi Bankının sədri Elvira Nabiullina “iqtisadiyyat təsirli templə böyüməyə davam edir” deyib.

Qeyd olunur ki, Rusiya hərbi sanksiyaların təzyiqinə tab gətirməkdə davam edir. Neft və qaz gəlirləri 2023-cü illə müqayisədə təxminən 80 faiz artıb. Buna həm xammalın qiymətinin qalxması, həm də neft şirkətlərindən birdəfəlik vergi ödəmələri şərait yaradıb.