Səhər yeməyindən imtina hansı xəstəliklərə yol açır?

10 dekabr 2024 249 baxış

Səhər yeməyindən müntəzəm olaraq imtina etmək beyin sağlamlığını pisləşdirə və demensiya riskini artıra bilər.

Bununla bağlı Çinin Sıçuan əyalətinin Çendu şəhərində araşdırma aparılıb. Tədqiqatda 60 yaşından yuxarı, heç bir ciddi ürək xəstəliyi və ya mərkəzi sinir sistemi infeksiyası olmayan 859 nəfər iştirak edib.

Könüllülər üç il müddətində müşahidə edilib. Müəyyən edilib ki, səhər yeməyindən tez-tez imtina edənlər zaman ötdükcə koqnitiv geriləmə və beyin kiçilməsi ilə üzləşiblər. Alimlər səhər yeməyini atlamağın potensial olaraq neyrodegenerasiya proseslərini sürətləndirə biləcəyini bildiriblər.

Onların fikrincə, səhər yemək sadəcə vərdiş deyil, sağlamlığa təsir edən mühüm amildir. Bədənə qidanın ilk hissəsi ilə daxil olan qlükoza beyin üçün əsas enerji mənbəyidir. Əskik olduqda stres çoxalır, bu da kortizol səviyyəsinin artmasına və yağ yığılmasına səbəb olur. Nəticədə koqnitiv qocalma sürətlənir.

#Səhər yeməyi