Sən onların qətlinə niyə icazə verdin? | Blinkenin Qəzza barədə çıxışına kəskin etiraz

17 yanvar 2025 282 baxış

ABŞ dövlət katibi Entoni Blinken Dövlət Departamentində səlahiyyət müddətinin başa çatması ilə bağlı keçirdiyi sonuncu mətbuat konfransında Qəzza ilə bağlı danışarkən bəzi jurnalistlər tərəfindən etirazla qarşılanıb.

Amerikalı jurnalist Maks Blumental E.Blinkenin çıxışını kəsərək, “Qəzzada 300 jurnalist sənin bombalarınla hədəfə alındı. May ayında razılaşmanız var idi, bunu hamımız bilirdik. Toni, sən bombalara mane olmadın. Niyə dostlarımın öldürülməsinə icazə verdin?”, – deyə etiraz edib. Maks Blumental polislər tərəfindən zaldan zorla çıxarılıb.

Çıxışına davam edən E.Blinken daha sonra eyni mövzuda başqa bir jurnalistin etirazı ilə üzləşib. Amerikalı jurnalist Sem Hüseyni etirazından sonra 3 polis əməkdaşı tərəfindən zaldan qovulub.

BMT Baş katibinin sözçüsünün müavini Farhan Haq mətbuat konfransında bildirib ki, baş verənlər qəbulolunmazdır, hər kəs jurnalistlərin toxunulmazlığına və söz azadlığına hörmət etməlidir.

#ABŞ