SEPAH hədəflərini açıqladı, Tramp kritik rəqəmləri açıqladı - Baku TV

İran Yaxın Şərqdə ABŞ və İsrailin obyektlərinə qarşı “Gerçək vəd-4” əməliyyatının 12-ci mərhələsinə başlayıb.

SEPAH-ın bəyanatına görə, hədəf Fars körfəzi bölgəsindəki ABŞ Ordusunun informasiya mərkəzləri və anbarları, İsrail Ordusunun rabitə sənayesi kompleksləridir.

ABŞ Prezidenti Donald Tramp İrana endirilən zərbələr nəticəsində bu ölkənin 49 yüksəkvəzifəli nümayəndəsinin öldürüldüyünü, bunun isə ölkənin idarə olunmasını ciddi şəkildə zəiflətdiyini bəyan edib.

O həmçinin əlavə edib ki, ABŞ İranla uranın zənginləşdirilməsinin dayandırılması barədə razılığa gələ bilməyib, danışıqlar üzrə təkliflər isə daim geri qaytarılıb.

Donald Tramp qeyd edib ki, son zərbələr İran təhdidinin neytrallaşdırılması və regionda təhlükəsizliyin gücləndirilməsi üzrə uzunmüddətli kampaniyanın bir hissəsidir.