"Shutdown"un 9-cu günündə ABŞ-də vəziyyət necədir?

ABŞ-də iki həftədir ki, şatdaun davam edir.

Federal işçilərə maliyyə ayrılmır. Dispetçer çatışmazlığına görə, aviareyslər gecikir. Məzuniyyətə göndərilən əməkdaşlara kompensasiya ödənilməyə bilər. Ağ Evdə belə siqnallar eşidilir.

Məlumata görə, Ohara və Çikaqo hava limanlarında problem qabarıb. Las-Veqas, Boston, Atlanta, Filadelfiya, Hyuston və Dallas aeroportları da risk altındadır.

Nəqliyyat naziri bildirib ki, hökumətin fəaliyyəti dayandırılandan cəmi bir həftə sonra aviasiyada problemlər yaşanmağa başlayıb. Hazırda qanunverici orqanlar 7 həftəlik müvəqqəti tədbirlər üzərində işləyir. Bu barədə qanun layihəsi Senatın Nümayəndələr Palatası tərəfindən qəbul olunub. Büdcə təklifi isə qəbul edilmir.

Bundan başqa, şatdauna görə qızılın dəyəri artıb. Qızılın unsiyası 4000 dollar – 6800 manatdan bahadır. Halbuki 2023-cü ildə 2000 dollardan ucuz satılırdı. Bu isə ABŞ iqtisadiyyatı üçün təhdid yaradır, çünki qızılın mənfəəti səhmlərdən əldə olunan xeyri üstələyir.

“Goldman” analitikləri 2026-cı ildə qızılın qiymətinin 4900 dollar – 8300 manatdan baha olacağını proqnozlaşdırıblar. Gümüş və platin də bahalaşıb.

Məlumata görə, şatdaunun dayandırılması üçün gizli danışıqlar aparılır. Konqresdə çoxluq təşkil edən respublikaçılar subsidiya və tibbi sığortanın maliyyələşdirilməsi ilə bağlı demokratların tələblərindən boyun qaçırırlar. Amma demokratların da geri addım atmaq fikri yoxdur. Hətta ABŞ Prezidenti Donald Tramp demokratlarla danışıqlara hazır olduğunu bildirib.

Bundan qabaq o, hazırkı vəziyyəti “demokratların şatdaun”u adlandırıb. Çünki problemi demokratlar qəsdən yaradıblar.