Silahlı toqquşmalar COP30 sammiti üçün problemə çevrilib?

Rio-de-Janeyronun Vila Kennedi məhəlləsində polisin keçirdiyi əməliyyat zamanı azı iki nəfər həlak olub, 8 nəfər həbs edilib.

Bu reyd oktyabrda baş tutan və Braziliya tarixinin ən qanlı polis əməliyyatından sonra keçirildiyi üçün səs-küyə səbəb olub.

Xatırladaq ki, oktyabr əməliyyatında 4 polis də daxil olmaqla, ümumilikdə 121 nəfər həlak olub.

Yerli hakimiyyət orqanlarının məlumatına görə, hər iki əməliyyat sıx məskunlaşma olan məhəllələrdə keçirilib və "Comando Vermelho" bandasını hədəf alıb.

Mülki polisin bəyanatında deyilir ki, külli miqdarda narkotik tapılıb. 

Hərbi polisin bəyanatında isə bildirilib ki, keçirilən reyddə polislə qarşıdurma zamanı 4 cinayətkar yaralanıb.

Bütün bu hadisələrin fonunda Braziliyada COP30 sammiti keçirilir.

Braziliya Prezidenti noyabrın 19-da qlobal iqlim danışıqlarında vacib məsələlərlə bağlı erkən razılaşma əldə etmək məqsədilə görüş keçirib. Bağlı qapılar arxasında keçirilən iclasda Braziliyanın ətraf mühit və iqlim dəyişikliyi naziri və COP30 prezidenti də iştirak edib.

COP30-un ev sahibi Braziliya yeni danışıqlar mətnlərinin dərc edilməsində gecikmələrlə üzləşir. Bu hadisələrin isə ölkənin müxtəlif regionlarında polis-cinayətkar qarşıdurmaları ilə əlaqəli olduğu düşünülür.