Pleyeri seçin:
Son 10 ilin ən güclü “El-Nino” təbiət hadisəsi yaşana bilər
Yaxın vaxtlarda baş verə biləcək "El-Nino" iqlim hadisəsi son on ilin ən güclüsü ola bilər.
Bu barədə "Fobos" hava mərkəzinin mütəxəssisi Mixail Leus öz "Telegram" kanalında bildirib.
Onun sözlərinə görə, "El-Nino" Sakit okeanın ekvatorial hissəsində suyun temperaturunun anormal şəkildə artması ilə əlaqədardır. Bu proses qlobal temperaturun yüksəlməsinə, eləcə də dünyanın müxtəlif bölgələrində təhlükəli hava şəraitinin yaranmasına səbəb ola bilər.
ABŞ-nin Okean və Atmosfer Tədqiqatları üzrə Milli İdarəsinin proqnozuna görə, iqlim hadisəsi iyun-avqust aylarında yenidən başlayacaq və ən azı 2026-cı ilin sonuna qədər davam edəcək.
Meteoroloqlar bildirirlər ki, "El-Nino"nun ən güclü təsiri qarşıdakı qış mövsümündə hiss olunacaq. Nəticədə 2026 və 2027-ci illər meteoroloji müşahidələr tarixində ən isti illərdən biri ola bilər.
Sakit okeanda suyun temperaturunun normadan 1,5-2 dərəcə yüksək olacağı gözlənilir.
Kopyalandı
Seçilmişlər
