Sözə baxmayan şagirdlərə 100 dəfə... | Avropanın mərkəzində "gizlənən" qəribə həyat - Baku TV

“Oralarda necədir?” rubrikasının yeni buraxılışında mənası bataqlıq üstündə şəhər olan Brüsseldən bəhs edilib.

Bakıdan 3653 kilometr uzaqlıqda yerləşən Belçikanın paytaxtı Brüssel Avropanın siyasi mərkəzi sayılır.

Şəhər tarixi Qran-Plas meydanı və Müqəddəs Mikayıl katedralı ilə tanınır, Avropa İttifaqı və NATO-nun mənzil qərargahı da məhz buradadır.

Brüsseldə qadınlar hipnozla uşaq dünyaya gətirə bilirlər və bu üsul sığorta ilə qarşılanır.

Təhsil sistemi də fərqlidir: uşaqlar 2 yaşından hazırlığa başlaya bilərlər. 6 yaşdan 12 yaşa qədər ibtidai təhsil verilir, 18 yaşa qədər isə orta təhsil. Sözə baxmayan və qaydaları pozan şagirdlərə cəza kimi yüz dəfə “mən bir də belə etməyəcəyəm” cümləsini yazdıra bilərlər.

Şəhərdə maraqlı bizneslərdən biri lift servisidir – dar pilləkənlər səbəbindən əşyalar pəncərədən daşınır. Belçika eyni zamanda bahalı daş-qaşların vətənidir. Yüksək kateqoriyalı zərgər olmaq üçün təxminən 20 il təcrübə tələb olunur.

Vergilər yüksəkdir, amma qaydalara əməl olunur. Parkinq pozuntularına görə sərt cərimələr tətbiq edilir. Brüssel təhlükəsiz şəhərdir, polis nəzarəti güclüdür.

Sadə brüssellilər bir neçə dil bilir, yaşlılıqda belə işləməkdən çəkinmir və rahat, təmtəraqsız həyat tərzi sürürlər.