Pleyeri seçin:
Sudan Rusiyaya silah müqabilində ərazisində hərbi baza yerləşdirməyi təklif etdi
Sudan Rusiyaya silah müqabilində öz ərazisində hərbi baza yerləşdirmək imkanı təklif edib.
Bu barədə “The Wall Street Journal” nəşri məlumat yayıb.
Məlumata görə, oktyabr ayında Sudan Rusiyaya Port Sudanda və ya Qırmızı dənizin hər hansı bir sahilində 300-ə qədər əsgər və nüvə enerjisi ilə işləyən gəmilər də daxil olmaqla dörd hərbi gəmi yerləşdirməyi təklif edib.
Bundan başqa, Kreml Afrikanın üçüncü ən böyük qızıl istehsalçısı olan Sudanda gəlirli mədən güzəştlərinə sahib olacaq.
Bunun müqabilində üsyançılarla döyüşən Sudanın hərbi rejimi Rusiyanın qabaqcıl zenit-raket sistemlərini və digər silahlarını endirimli qiymətlərlə almaq istəyir.
Əgər razılaşma baş tutarsa, Rusiya Afrikada ilk dəniz bazasını əldə edəcək və qlobal ticarətin təxminən 12 %-nin keçdiyi Avropa ilə Asiya arasında ən qısa yol olan Süveyş kanalına daxil olan və çıxan dəniz nəqliyyatını izləmək üçün əla mövqedə olacaq.
Kopyalandı
Seçilmişlər
