Suriyada vəziyyət, İŞİD-lə mübarizə və təhlükəsizlik məsələləri müzakirə olunub - Baku TV
Türkiyə Prezidenti Rəcəb Tayyib Ərdoğan amerikalı həmkarı Donald Trampla telefon danışığı aparıb.
Bu barədə Türkiyə Prezident Administrasiyasının Kommunikasiya İdarəsi məlumat yayıb.
Dövlət başçıları Türkiyə ilə ABŞ arasında ikitərəfli əlaqələri, eləcə də regional və qlobal hadisələri müzakirə ediblər.
Ərdoğan Türkiyənin Suriyadakı hadisələri yaxından izlədiyini və bu ölkənin ərazi bütövlüyünün Türkiyə üçün vacib olduğunu bildirib.
Telefon danışığında İŞİD-ə qarşı mübarizə və Suriya həbsxanalarındakı İŞİD üzvlərinin vəziyyəti də müzakirə olunub.
Ərdoğan terrorçuluqdan azad və hər cəhətdən inkişaf edən dinc Suriyanın regionun sabitliyinə töhfə verəcəyini bildirib.
Türkiyə Prezidenti Qəzzada sülhün bərqərar olması üçün səylərin davam etdiyini və rəsmi Ankaranın bu məsələdə ABŞ ilə əlaqələndirilmiş şəkildə hərəkətə davam edəcəyini bildirib.
Ərdoğan Qəzza üzrə Sülh Şurasına dəvətə görə Trampa təşəkkür edib.
Daha əvvəl Tramp Ərdoğanın yürütdüyü siyasəti çox bəyəndiyini, onunla vacib telefon danışığı aparacağını bildirmişdi.
#Rəcəb Tayyib Ərdoğan teqi istifadə olunub
- Türkiyə və Suriya prezidentləri hansı məsələləri müzakirə etdi? - Baku TV CANLI
- Qəzza Sülh Şurasının qurulmasında Türkiyənin rolu nədir? - Baku TV CANLI
- Ərdoğana gələn hədələrə sərt reaksiya
- Ərdoğan Venesuelada baş verənlərlə bağlı açıqlamasında hansı mesajı verdi?- Baku TV
- Ərdoğan Venesuela prezidenti Maduronun saxlanılmasına etiraz etdi - Baku TV CANLI
