Tailanddakı zəlzələnin dəhşətli fəsadları | Dağıntı və itkilərlə bağlı son məlumat

Myanmada baş verən zəlzələnin fəsadları genişlənir.

Xarici medianın məlumatına görə, ölənlərin sayı 1000 nəfəri ötüb. Azı 2376 nəfər yaralanıb.

Tailandın paytaxtı Banqkokdakı güclü zəlzələ nəticəsində azı 8 nəfər həyatını itirib. Dağıntılar altında qalan insanların axtarış-xilasetmə işləri davam etdirilir.

Ölü və yaralıların sayının artacağı ehtimal edilir.

Təbii fəlakətin nəticələri yalnız bununla yekunlaşmır. İnsan ölümündən savayı, yeraltı təkanlar tikililərə və tarixi abidələrə də ziyan vurub. Ərazidə yerləşən məscid, monastır və tarixi Ava körpüsü dağılıb. Tarixi əhəmiyyətə malik Mandalay sarayı isə zədələnib.

Xatırladaq ki, martın 28-də Myanmada 7,7 və 6,4 bal gücündə 2 ardıcıl yeraltı təkan qeydə alınıb. Təbii fəlakət Çin, Tailand və Vyetnamda da hiss olunub.