"Taliban" Pakistana zərbələr endirdi

“Taliban” Pakistanda “nüvə obyekti”nə zərbə endirib.

Əfqanıstanın yerli media orqanı “Ariana News” xəbər verir ki, Əfqanıstan qüvvələri Pakistanda “nüvə obyekti”ni və Xayber-Paxtunxva əyalətindəki Abbottabad yaxınlığındakı hərbi bazanı vurub. Hücum nəticəsində ölənlərin sayı yüzü ötüb, yaralılar xəstəxanaya aparılıb.

Həmçinin “Taliban” iddia edib ki, Pakistanın əsas hədəflərinə pilotsuz təyyarə hücumları həyata keçirib.

Əfqanıstan Müdafiə Nazirliyinin mətbuata açıqlamasında hücumdan sonra obyektlərin alov içində qaldığı və əməliyyatın uğurlu olduğu bildirilib.

Pakistanın müdafiə naziri “Taliban”a qarşı açıq müharibə elan edib.

“İndi sizinlə açıq müharibə aparacağıq, qanlı müharibə olacaq. Pakistan Ordusu xaricdən gəlməyib. Biz sizin qonşularınızıq, sizin keçdiyiniz yolu bilirik”, – deyə Xavaca Asif “X” sosial şəbəkəsində yazıb.