Təhlükəli xəstəliyin mənşəyi aşkar edildi | Alimlərdən maraqlı araşdırma

Alimlər müəyyən ediblər ki, sifilis xəstəliyi əvvəllər düşünüldüyü kimi Avropada deyil, Şimali Amerikada yaranıb.

Mütəxəssislər tədqiqat zamanı Şimali Amerikada tapılan 9 min illik qalıqlarda sifilislə əlaqəli bakteriyaların genomlarını aşkar ediblər. Bu kəşf ilk dəfə 1494-cü ildə Avropada qeydə alınan xəstəliyin mənşəyi ilə bağlı mübahisələrə yeni dəlillər əlavə edir.

İnfeksiyanın 1493-cü ildə Amerikadan Kolumbun ekspedisiyasının üzvləri tərəfindən Avropaya gətirildiyinə dair bir nəzəriyyə var. Alternativ fərziyyə bu xəstəliyin Köhnə Dünyada bundan çox əvvəl mövcud ola biləcəyini göstərir.

Qeyd edək ki, sifilis cinsi yolla ötürülən infeksiyadır. Dörd fərqli mərhələdən keçən infeksiya hər etapda fərqli simptomlara səbəb olur. Bu əlamətlərə hərarət, yorğunluq, ziyil kimi yaralar, əzələ və baş ağrıları, çəki itirmək, saç tökülməsi və şişmiş limfa düyünləri daxildir.